عيسى العنزي
08-07-2007, 01:46 AM
سوالف شهــــرزاد وهاجسي واللــــولو المنضود=وبقايـــا الليل وشمــوع الحنين ونــوم عدواني
على ميعـــــاد وحروفي تسافـــر في هبـوب النود=وعنوان الغـــــلا مفتـــوح والارســــــال مجاني
يجيني مــــــا يجيني من وفـــا والا جفــا وصدود=اهلي بالجـــــروح اللــــــي تلاحقني وتنصـــــاني
واتــــــــــــوق ولا يكفيني سلامك بالعيون السود=سلام الله على عيـــــــونك يا حلى طيش صبياني
ضمى كل السنين المقفيه فــــــي اخـــــر العنقود=وريـــــق الليله اللي شاكس اوراقـــي وحيطاني
هنا مربـــــــط فرس فكري قبل غارة خيول الجود=لوجــــــه يشتهيه الشعر ويسافـــــــــر بشرياني
هنـــا بين الشموع وصمت الاشيا والكلام حدود= تقهويت الغـــــــــــــلا حتى نعست وفرت احزاني
هنــــا همي هجرني جعل همي من نصيب الدود=وانـــــا جعل الليـــــــــال البيض حولي ما اتعداني
هنـــــا والليله اللي في ثناياها بــــــرق ورعود= رعت حفل القلــــــوب وسيرت بي فوق الامزاني
وانـــــا لولا الغلا ما سج فكري في وصل ووعود=ولا لديت بدروب الـــــذي رمشـــــه تبـــــــــلاني
وترى اللي ساقك بدربي مثل سوق الضمى للذود= نهــــار مــــا رعوه البــــــدو بفياض وريضاني
قصد خضـــر المشاعر والضوامي مـا عليها قيود=وطــى جمـــر المسافـات وراه اصوات رعياني
غـــــلاك وجيتني جيـــة وفــــا والا قديـم وعهود=سقى الله خطـــــــوة اللي متعب رجله على شاني
وانا ما قلت لك هــــــون على قلبي يا غض العود=يحـــــــق لمثلك ان زاد الدلــــع والا تناســـاني
لك عيــــون تبيع المــــــوت وان جادت تبل كبود= نصيبي بالعيــــــــــــون الظالمه ياليت مجــــاني
اذا اقبلت وعيونك يطــــــــوقها حــــــرس وجنود= نظاميــــــــه واشبها بنظــــام الجيش الاسباني
تقل ليلة ربيـــع مزينه ونجومها بــــــــــــــــارود=واصابيعك على زنــــــــــــــاد الغلا والهم يفداني
حبيبي وان بقى للشعر وابيـــــــات القصيد وجود=خذ اللي مــــــــا كتبته قبــــــل لا اشوفك وتلقاني
الملاح
على ميعـــــاد وحروفي تسافـــر في هبـوب النود=وعنوان الغـــــلا مفتـــوح والارســــــال مجاني
يجيني مــــــا يجيني من وفـــا والا جفــا وصدود=اهلي بالجـــــروح اللــــــي تلاحقني وتنصـــــاني
واتــــــــــــوق ولا يكفيني سلامك بالعيون السود=سلام الله على عيـــــــونك يا حلى طيش صبياني
ضمى كل السنين المقفيه فــــــي اخـــــر العنقود=وريـــــق الليله اللي شاكس اوراقـــي وحيطاني
هنا مربـــــــط فرس فكري قبل غارة خيول الجود=لوجــــــه يشتهيه الشعر ويسافـــــــــر بشرياني
هنـــا بين الشموع وصمت الاشيا والكلام حدود= تقهويت الغـــــــــــــلا حتى نعست وفرت احزاني
هنــــا همي هجرني جعل همي من نصيب الدود=وانـــــا جعل الليـــــــــال البيض حولي ما اتعداني
هنـــــا والليله اللي في ثناياها بــــــرق ورعود= رعت حفل القلــــــوب وسيرت بي فوق الامزاني
وانـــــا لولا الغلا ما سج فكري في وصل ووعود=ولا لديت بدروب الـــــذي رمشـــــه تبـــــــــلاني
وترى اللي ساقك بدربي مثل سوق الضمى للذود= نهــــار مــــا رعوه البــــــدو بفياض وريضاني
قصد خضـــر المشاعر والضوامي مـا عليها قيود=وطــى جمـــر المسافـات وراه اصوات رعياني
غـــــلاك وجيتني جيـــة وفــــا والا قديـم وعهود=سقى الله خطـــــــوة اللي متعب رجله على شاني
وانا ما قلت لك هــــــون على قلبي يا غض العود=يحـــــــق لمثلك ان زاد الدلــــع والا تناســـاني
لك عيــــون تبيع المــــــوت وان جادت تبل كبود= نصيبي بالعيــــــــــــون الظالمه ياليت مجــــاني
اذا اقبلت وعيونك يطــــــــوقها حــــــرس وجنود= نظاميــــــــه واشبها بنظــــام الجيش الاسباني
تقل ليلة ربيـــع مزينه ونجومها بــــــــــــــــارود=واصابيعك على زنــــــــــــــاد الغلا والهم يفداني
حبيبي وان بقى للشعر وابيـــــــات القصيد وجود=خذ اللي مــــــــا كتبته قبــــــل لا اشوفك وتلقاني
الملاح