عيسى العنزي
09-19-2007, 09:42 PM
يا هاجسي ودي ان فاحت تقهويني=أفهق ضلوعك لضيفك صافي النيه
ما فيه غيرك إذا ضاقت يسليني=ما دام دلة عيون الزين مركيه
فنجانك اللي تمده لي ويحييني=مدة مواجيب للروح الخلاويه
لولا الوفا اللي على ما قيل حاديني=والا الهوى حالفي ما جيب طاريه
يا حي صوتي من أعماقه يناديني=مبطي وأنا اقول حي الصوت يا حيه
سميته الروح مدري وش يسميني=وأغلا الاسامي إذا جت لا شعوريه
قلبي شمال وجنوب الشوق يدعيني=دعوة قوانيص لطيوري نداويه
المعذرة والسموحه يا عناويني=عذوبة الجرح بين أضلاعي معيه
قم يا نديم المشاعر لا تخليني=ما بين واقع وبين أحلام ورديه
خذني على وين ما ودك توديني=وانثرني أشواق بدروب الهواويه
سجه مع مورد الخدين تكفيني=وتحلا المشاوير لا عنيت رجليه
يا قسمة العدل ما بينه وما بيني=الله قسم لي دروبي غير ممشيه
كنه خلقني على طبعي وتكويني=لعيونه اللي تنطحني الشماليه
الموت لا من زعلت وجا يراضيني=يصير مثل الشموع يذوب حنيه
وين الخسارة أجل لا ضاعت سنيني=لا صار حبي كذا صدق وشفافيه
ما دام هذا هواك وجاك يا عيني=قدام عينه اسلم وارفع أيديه
الملاح
ما فيه غيرك إذا ضاقت يسليني=ما دام دلة عيون الزين مركيه
فنجانك اللي تمده لي ويحييني=مدة مواجيب للروح الخلاويه
لولا الوفا اللي على ما قيل حاديني=والا الهوى حالفي ما جيب طاريه
يا حي صوتي من أعماقه يناديني=مبطي وأنا اقول حي الصوت يا حيه
سميته الروح مدري وش يسميني=وأغلا الاسامي إذا جت لا شعوريه
قلبي شمال وجنوب الشوق يدعيني=دعوة قوانيص لطيوري نداويه
المعذرة والسموحه يا عناويني=عذوبة الجرح بين أضلاعي معيه
قم يا نديم المشاعر لا تخليني=ما بين واقع وبين أحلام ورديه
خذني على وين ما ودك توديني=وانثرني أشواق بدروب الهواويه
سجه مع مورد الخدين تكفيني=وتحلا المشاوير لا عنيت رجليه
يا قسمة العدل ما بينه وما بيني=الله قسم لي دروبي غير ممشيه
كنه خلقني على طبعي وتكويني=لعيونه اللي تنطحني الشماليه
الموت لا من زعلت وجا يراضيني=يصير مثل الشموع يذوب حنيه
وين الخسارة أجل لا ضاعت سنيني=لا صار حبي كذا صدق وشفافيه
ما دام هذا هواك وجاك يا عيني=قدام عينه اسلم وارفع أيديه
الملاح